起初上網搵pre wedding資料搵到好頭痕,資金有限又想拍戶外境,最後經朋友介紹Kimchumma JEJU，之後睇到官網上嘅相都覺得係我地想要嘅style。所以直接選擇用Kimchumma Wedding.
一開始會擔心言語不通,好難拍攝出我地理想既韓式風格。好彩接待我地既翻譯Kelly出發前已經詢問我地意見,甚至提出可行的建議比我地參考。另外,後台同事們都有效率地提醒我地有什麼東西要提前預備和當日要準備什麼。
拍攝當日翻譯Kelly非常有善，即刻令到我地放鬆不少,沒有緊張,亦會講解行程和時間上分配。 由到揀衫到化妝都提供到不同的選擇,化妝師都好專業好快咁樣化到一個心目中的少女韓妝,中途亦會提供時間給休息和食野,然後準備拍攝。
去到影相既時候，攝影師oppa都非常專業，揀選了非常靚既花海同大草原比我地,其間不停教我地擺pose，又不斷指導我地如何放鬆,拍攝出最自然既神情,另外全程都沒有嚴肅黑面,令到成個氣氛非常之輕鬆。到拍攝最後一個沙灘地方,又事前準備仙女棒比我地,拍攝到與眾不同既效果。