本身已經決定結婚一定要搵韓國嘅studio影prewedding，估唔到中意咗好耐嘅studio有同kimchumma合作，所以立即決定好一定要搵你哋影相。未落訂前已經好有耐心解答問題，落訂後亦提供咗好多婚攝嘅注意事項比我哋參考。當日嘅化妝室服務好好，超級多裙揀，仲係咁拎啲裙出嚟比我哋試，好開心。5個鐘嘅拍攝時間都十分足夠，拍攝當日天氣十分好，攝影師都為我哋影咗好多相，化妝師亦非常負責，不論係換頭定補妝都好快手，感覺十分良好。拍攝結束後1星期已經收到所有相，全部都好滿意，完全係心目中嘅效果。精修嘅圖片都好靚，同ig上睇嘅一樣。呢次嘅婚攝嘅體驗十分推薦，非常值得！