喺今年3月中，我同另一半去咗韓國濟州島影Pre-wedding，搵咗「Kimchumma JEJU Wedding 金珠媽濟州婚紗攝影」幫我哋影，成個過程都好開心、好順利，好想推薦俾大家。

首先， 春天嘅濟州島真係超級靚。拍攝當日超級好天，配埋濟州嘅啫哩海同油菜花田(我哋係為咗油菜花而去)，真係靚到爆，鐘意影大自然景嘅大家真係要去濟州。

其次，就係「Kimchumma JEJU Wedding」真係好好，由一開始同佢哋溝通已經好順暢，好明白我哋嘅需要，當日嘅安排又超好。首先有提供酒店接送服務，翻譯(司機)姐姐識中文加少少廣東話，可以無障礙交流，前一晚重俾咗好多提醒我哋，等我哋做足準備。最感動嘅係，影相當日只有2度，雖然陽光好好，但都超大風超凍，特別係隻手，影完相會凍到郁唔到，真係覺得就快結冰。翻譯姐姐準備咗一對好厚嘅手套，佢會喺我影相嗰陣著暖對手套，一影完就會即刻幫我帶返，又幫我著大褸，超級照顧我，好窩心。負責幫我化妝嘅韓國化妝師都好專業，個妝好靚，幫我設計嘅髮型又好好睇。最好笑係，唔知佢哋兩位係唔係成日跟住攝影師學嘢，幫我哋影嘅花絮都好靚，PO IG一流。最後係攝影師，雖然佢係韓國人，但佢都會盡量俾英文指示，拍攝角度都好好，最最最緊要係提早咗好多交相，啲成品我哋都好滿意。所以真係要同大家推薦呢個咁好嘅體驗。

如果大家都想去濟州影Pre-wedding，記得搵Kimchumma啦!