婚攝我地揀左 Kimchumma premium package，結婚本身有好多嘢處理，外地婚攝一站式包哂酒店化妝婚紗，基本上只要買機票飛過去就得！！
拍攝當日我哋翻譯Sunny 照顧好周到，而且解釋流程好清楚，細心提醒我哋天氣熱記得帶遮做好防曬措施，好似經理人咁照顧住我地一對新人
化妝師非常專業，只要俾張圖佢參考，一瞬間就變得好韓！！揀婚紗禮服都係同一地方進行，非常方便
Studio 6攝影師提供滿滿嘅情緒價值，全日影相都好放鬆，佢哋仲準備好多小道具俾我哋，更加唔使擔心唔識擺任何姿勢，真係做到自然又唔做作嘅一輯相，攝影師一直觀察住我哋神態，會話俾我哋聽邊個角度覺得比較好睇，而且控制景點影相嘅時間都拿捏得好好！
由森林到草原再到海灘，成個拍攝流程都超級smooth，不得不讚kimchumma 團隊非常有效率，為我地既婚攝之旅帶黎一幕幕難忘回憶