本身今年諗咗好耐，去邊度影Pre Wedding好，又唔想去咁遠。因為Big day係2024年年尾，所以五六月份影定就差唔多

本身有諗過去婚展搵，但一直都未睇啱心水。機緣巧合下，一上網搵濟州婚攝就搵到佢地Kimchumma Jeju，一睇啲相就覺得好韓式，完全係自己想要嘅嘢

好快五月份出發去濟州Pre-Wedding，出發之前佢哋仲會提我哋有啲咩要注意，好貼心咁幫我哋安排咗2晚嘅酒店。

當我哋到步之後，仲會幫我哋留意天氣，睇吓影相當日會唔會有天氣因素嘅影響🤍

喺影相前一日，佢哋發現本身定好影相個日會好多雲，所以建議我哋轉另一日去影相所以我都建議大家留多幾日時間喺濟州，大概一星期就差唔多～完全相信佢哋嘅專業意見，改咗期之後，當日影相嘅天氣非常好！！！有陽光得黎，又唔會太熱。影相嘅途中，攝影師好識教我哋擺pose！翻譯姐姐又勁有耐性，化妝師好照顧新娘！有時啲頭髮吹歪咗都會即刻幫手整理返‍♀️本身我未婚夫係平時唔識笑嘅人，但有佢哋成個團隊幫我哋帶動氣氛，都影得非常開心，影出嚟好自然️

到全日影完相，還埋衫已經晚上八點，佢哋仲會車返我哋返酒店休息，沿途仲肯俾我哋落車買一買炸雞再番酒店🤣

見到佢哋整體團隊嘅合作度，專業度都好有水準！同埋佢地好貼心照顧每對新人嘅需要！同埋影完相到收相只需要兩個多月嘅時間，無論係構圖同埋修圖都令我哋覺得好滿意大家如果諗唔到去邊度影Pre Wedding，真係可以考慮吓去濟洲影🤣對住個海勁正