本身影結婚相都諗住係去濟州島影，所以由決定結婚影prewedding開始資料搜集都集中係睇濟州島既。
嗰陣搵過幾間唔同嘅agent加香港攝影隊，後來了解到搵agent公司安排韓國團隊拍攝比較方便同靚好多就主要問左幾間濟州agent。

Kimchumma由一開始查詢過程已經令人好舒服，好有禮貌，就算我哋問再多問題都好細心解答（例如建議影咩景，咩季節去比較好，又提供惡劣天氣contingency，甚至建議我哋邊幾日飛去濟州都好詳細解答），同埋唔會用啲限時優惠chur我地立即落單。落訂之後，kimchumma亦都好細心提醒我check email嗰啲。佢哋同好多韓國攝影師合作，可以俾我選擇嘅攝影師風格有20種。到接近攝影日子，kimchumma亦會同攝影師溝通set好當日攝影路線，同埋提醒我哋有咩要準備。攝影師前幾日都收到通知攝影師會提早實地考察開花情況，令攝影當日更順利。

攝影當日，翻譯好細心陪伴，中間亦都會幫手俾意見，空閒時間又會同我哋練習動作表情，務求攝影期間我哋可以爭取時間快啲擺好pose。最方便係我哋唔需要自己帶婚紗嗰啲去，有個studio一站式處理婚紗禮服化妝set頭道具。嗰度啲姐姐好有經驗，好快揀到適合嘅婚紗禮服。

攝影過程都好順利，所有景點都同我哋之前討論嘅差唔多，達到我哋想影既效果。隨行翻譯同化妝師都會指導我哋擺pose同俾意見。每影完一set相攝影師都會即時show影左啲乜俾我哋睇，確保係我哋鐘意既相。

收到相都好滿意，最好係唔需要加錢可以收翻所有原圖。收到精修嘅相都好靚好滿意，連啲原圖我哋都覺得唔係好洗大執都可以bigday做slideshow。

不過要提一提，要預多啲時間，因為精修需要90天時間，如果婚期緊湊就要好好考慮。

整個體驗都非常好，十分推薦想影花花草草嘅新人！