最近收到濟洲影既婚紗相🥰

無後悔放棄其他婚攝公司簡Kimchumma JEJU團隊，令我哋嘅pre-wedding拍攝有一個難忘嘅經歷。每一個細節都處理得非常妥當，等我地可以放鬆享受呢一個特別嘅日子。佢地既貼心同專業建議真係好好。

首先佢地既翻譯兼司機，喺拍攝當日全程幫我地同攝影師化妝師溝通，貼心照顧我地同車我地去拍攝。影相當日天氣影影下轉差，橫風橫雨，佢安慰我地一切都會順利，叫我地唔洗擔心，令我地感覺好窩心同安心，攝影過程帶動氣氛引我地笑，仲會用手機幫你影側拍 我地影完果日夜晚都欣賞左好耐haha

仲記得拍攝當日因為天氣問題，佢地超時工作，臨時轉plan 帶我地去其他地方影相，為左幫我地影最靚既婚紗相，果種熱誠到依加我地都仲記得，最後出黎既效果令我地意想不到️

另外，Kimchumma 團隊有問必答又快覆嘅客戶服務，完全比我哋無後顧之憂🤧 （因爲搞結婚已經好多野煩），喺攝影前後都得到充分既support

呢個婚攝真係令我地印象深刻，所以好想比更加多人知道呢間公司，推薦俾任何想去濟洲影婚紗相既新人們🫶