真心激推Kimchumma JEJU呢間prewedding神隊友！由Yoko同阿Man幫手傾package開始，已經感受到佢哋超貼心 臨近影相嗰排濟州狂落雨，佢哋日日update天氣仲幫我哋改期，真係安心晒！

拍攝當日我地影左粉紅芒草田、雪白蕎麥花田同日落海邊！最難忘係凍到震都要影日落海景，點知出嚟啲相真係好浪漫，霞光襯住海浪好靚 攝影師好識揀景點，帶我哋行短路線慳時間，每段車程都唔會多過20分鐘，務求可以影多啲，仲會示範埋應該點擺POSE，令好生硬嘅男朋友都可以好自然咁影到🤣 另外化妝師YYull嘅造型超級好，將我鐘意嘅風格完美呈現出黎，個韓妝KEEP足全日，仲成日不停幫我補妝執裙尾同拎暖包，真係好感動🥹

重點要多謝Joy呢位全能翻譯🩷 全程做翻譯仲偷偷用我手機影爆花絮片！成team人由朝忙到晚，最後收到相嗰陣，阿媽同班姊妹睇到都大讚！最後再次感謝Kimchumma比左我地咁美好既回憶