從韓國返嚟之後一直滿心期待，終於等到精修相出嚟，回想起4月28號婚攝日，實在非常難忘。 最難忘嘅係天氣好凍，得十度左右，我老婆仲要着咁少布，打晒冷震。 好感激翻譯Landy 同另一名助手全程照顧周到，佢地嘅友善同熱情溫暖我地。 每次一影完相，佢地兩個就衝上前幫我老婆披返件厚褸，我老婆享受住明星級待遇。 我地大概由一點影到六點，天光影到天黑，攝影師同整個團隊好專業，由揀衫、化妝、室內攝影、外景拍攝都係一日完成，非常有效率。 最後精修相出嚟嘅效果都好好，我地好滿意。